შიდა ქართლში `ლიბერთი ბანკმა~ სოფლად მცხოვრები მოსახლეობისთვის მომსახურების ახალი სქემის "ლიბერთი ექსპრესის~ ამუშავება დაიწყო.
გორის რაიონის სოფელ შავშვებში ,,ლიბერთი ბანკმა" საქართველოს საბანკო სივრცეში უპრეცედენტო პროექტის ლიბერთი ექსპრესის მეშვეობით პირველი საბანკო ოპერაცია განახორციელა.
"ლიბერთი ექსპრესით" სოფლად მცხოვრები მოსახლეობა ისარგებლებს შემდეგი სახის საბანკო მომსახურებებით: სწრაფი ფულადი გზავნილების განხორციელება, კომუნალური გადასახადების გადახდა, პენსიებისა და სოციალური დახმარების აღება, სოციალური და ახალი გრძელვადიანი საპენსიო სესხების მიღება.
2010 წლის აგვისტოს ბოლომდე "ლიბერთი ექსპრესი" დაფარავს შიდა ქართლს, ხოლო 2010 წლის ბოლომდე საქართველოს ყველა დანარჩენ რეგიონს.
"ლიბერთი ექსპრესის" საშუალებით "ლიბერთი ბანკის" ასი ათასობით კლიენტი შეძლებს მიიღოს მომსახურება ყველგან, სადაც დასჭირდება.
ლიბერთი ექსპრესი არის თანამედროვე ტოიოტას მარკის მოძრავი და დაცული მიკრო ავტობუსი, რომელიც აღჭურვილია ყველა საჭირო ტექნიკით (სეიფი, კომპიუტერი, პრინტერი. "ლიბერთი ექსპრესში" იქნება 6 მოლარე-ოპერატორი. "ლიბერთი ბანკმა" ამ პროექტში 6 მილიონი ლარის ინვესტიცია განახორციელა.