თურქეთის სამხრეთ-აღმოსავლეთში ნავთობსადენი კირკუკ-ჯეიჰანი აფეთქდა. აფეთქების შედეგად ორი ადამიანი დაიღუპა და ერთი დაიჭრა.
ადგილობრივი ხელისუფლების წარმომადგენელთა განცხადებით, აფეთქების შემდეგ ნავთობის გადაქაჩვა შეწყდა.
თუქეთის ხელისუფლების წარმომადგენელთა შეფასებით აფეთქებას ტერორისტული აქტის კვალიფიკაცია მიეცა. პასუხისმგებლობა კი სეპარატისტულ ქურთთა მუშათა პარტიას დაეკისრა.
თუქული მედიის ინფორმაციით, აფეთქება დისტანციური მართვის მოწყობილობით განხორციელდა.
ნავთობსადენის "კირკუკი-ჯეიჰანის" სიგრძე 970 კილომეტრია და ის ერაყის ერთ-ერთ ყველაზე დიდ ნავთობსადენად არის მიჩნეული, რომელიც კირკუკის საბადოს თუქეთის პორტ ჯეიჰანთან აკავშირებს.
მასალის გამოყენების პირობები