სიღნაღის მუნიციპალიტეტის, დაბა წნორში ‘"ბროწლიანის" დასახლებაში წყლის ჭაბურღილის მოწყობა და საკანალიზაციო სისტემის მოწესრიგება იწყება.
როგორც სააგენტო "ჯი-ეიჩ-ენს" კახეთის სამხარეო ადმინისტრაციიდან აცნობეს, წნორში ნონეშვილის ქუჩაზე სამივე საცხოვრებელ კორპუსს, კაპიტალური სისტემის მოწყობამდე, მარტივი ტიპის საკანალიზაციო ორმოები გაუკეთდება.
ჭაბურღილის მოსაწყობად და საკანალიზაციო სისტემის მოსაწესრიგებლად 19.000 ლარი "სოფლის მხარდაჭერის პროგრამით"დაიხარჯება.
სარეაბილიტაციო სამუშაოების ჩატარების შემდეგ 30 ოჯახი სასმელ წყალს 24 საათის განმავლობაში მიიღებს.
ნონეშვილის ქუჩის მცხოვრებლები სასმელი წყლის მარაგს დღემდე კერძო პირის ჭაბურღილიდან იღებდნენ.
