ახალციხის რაიონის სოფელ აწყურის ტყეში გაჩენილი ხანძრის ლიკვიდირება კვლავ ვერ ხერხდება. როგორც "ჯი-ეიჩ-ენს" სატყეო დეპარტამენტის ხელმძღვანელმა პაპაუნა ხაჩიძემ განუცხადა, წუხელ ახალი კერები არ გაჩენილა. შეგახსენებთ, რომ ხანძარი აწყურის ტყეში 4 აგვისტოს, დღის მეორე ნახევარში გაჩნდა.
პაპუნა ხაჩიძის განცხადებით, ახალი კერები არ დაფიქსირებულა არც ბორჯომ-ხარაგაულის ტყეში.
ხაჩიძის განცხადებით, ხანძრის ჩასაქრობად საქართველოს მთავრობა უცხო ქვეყნისთვის დახმარების თხოვნას არ არ პირებს, რადგანაც ქვეყანას გააჩნია სათანადო აღჭურვილობა და ტექნიკა, რომ თავადაც გაუმკლავდეს სტიქიას.
სატყეო დეპარტამენტის თავმჯდომარის განცხადებით, წინასწარი მონაცემებით აწუყურსა და ბორჯომში დაახლოებით 25 ჰექტარი ტყეა დამწვარი.