ზუსტად ორი წლის წინ განვითარდა ის ტრაგიკული მოვლენები რომლებმაც სათავე დაუდეს მთელ რიგ პოლიტიკურ პროცესებს მათ შორის აფხაზეთისა და სამხრეთ ოსეთის დამოუკიდებლობის აღიარებას საერთაშორისო სამართლის ნორმების შესაბამისად. ეს განცხადება სოხუმში მყოფმა რუსეთის პრეზიდენტმა დიმიტრი მედვედევმა აფხაზ სეპარატისტთა ლიდერთან სერგეი ბაღაფშთან შეხვედრისას გააკეთა.
მედვედევი სეპარატისტებს დახმარებას, თანადგომასა და ყველა სფეროში თანამშრომლობას კიდევ ერთხელ დაპირდა.
"ძალიან მნიშვნელოვანია თანამშრომლობის გაგრძელება ეკონომიკურ და სოციალურ სფეროებში. აფხაზეთს აქვს ყველა შესაძლებლობა იმისათვის, რომ აყვავებულ ქვეყანად იქცეს", _ განაცხადა მედვედევმა.
მისივე თქმით, რაც შეეხება რუსეთის მიერ აფხაზეთისა და სამხრეთ ოსეთის დამოუკიდებლობის აღიარების გადაწყვეტილებას - "ამ გადაწყვეტილების მიღება რთული იყო მაგრამ დრომ დაამტკიცა, რომ რუსეთის მიერ მიღებული გადაწყვეტილება სწორია".
"მაშინ, საფრთხის ქვეშ იყო დაყენებული აფხაზი და ოსი ხალხის ყოფნა-არყოფნის საკითხი. მაგრამ დღეს სიტუაცია შეცვლილია და მე ამას ვატყობ საერთაშორისო პარტნიორებთან ურთიერობაშიც", _ განაცხადა დიმიტრი მედვედევმა.
მასალის გამოყენების პირობები
