ოს სეპარატისტთა ლიდერი ედუარდ კოკოითი აცხადებს, რომ 2008 წლის აგვისტოს მოვლენების შემოქმედები საბრძოლო მოქმედებების გავრცელებას მთელს რუსეთის ჩრდილოეთ კავკასიაზე ვარაუდობდნენ. ეს განცხადება კოკოითმა ცხინვალში გააკეთა.
"ყოველივე ძალიან შორს მიმავალი გეგმებით კეთდებოდა. კიდევ კარგი მათი შეჩერება აქ სამხრეთ ოსეთში მოხერხდა. მას შემდეგ რაც მათი შტაბები განადგურდა ფოთსა და გორში იქ იქნა ნაპოვნი რუკები, რომელთა მიხედვითაც საბრძოლო მოქმედებებს სამხრეთ ოსეთის შემდეგ აფხაზეთში, შემდეგ კი ჩრდილო კავკასიაში უნდა გადაენაცვლა", _ აცხადებს ედუარდ კოკოითი და თავისი სიტყვების დასტურად თავადვე მოჰყავს ის ფაქტი, რომ "საქართველო ჟენევის საერთაშორისო მოლაპარაკებებზე დღემდე აცხადებს უარს მოაწეროს ხელი თავდაუსხმელობის ხელშეკრულებას".
