მოლდოვის საზოგადოებრივმა ორგანიზაცია "თანასწორუფლებიანობამ" ქვეყნის ხელისუფლებისგან აფხაზეთისა და ცხინვალის რეგიონის ე. წ. დამოუკიდებლობის აღიარება მოითხოვა. ეს განცხადება მოძრაობის ლიდერმა ვალერი კლიმენკომ გააკეთა.
რუსული მედიის ინფორმაციით, ამ საზოგადოებრივი მოძრაობის წევრების 95 % მოლდოვის რუსულენოვანი მოსახლეობისგან შედგება.
"მოძრაობის მთავარი ამოცანაა, აიძულოს მოლდოვის ხელისუფლება, აფხაზეთისა და ე. წ. სამხრეთ ოსეთის დამოუკიდებლობა აღიაროს", _ აცხადებს კლიმენკო და დასძენს, რომ მოლდოვის ხელისუფლებას აფხაზეთისა და ე. წ. სამხრეთ ოსეთის დამოუკიდებლობის აღიარებასთან მიმართებაში "ლაქიურად მომგებიანი" პოზიცია აქვს დაკავებული.
"იმის ნაცვლად, რომ დაგმონ საქართველოს ბარბაროსული მოქმედებები და აგრესიის მსხვერპლთ დახმარების ხელი გაუწოდონ, კიშინიოველი პოლიტიკოსები გაუგებარ დეკლარაციებს ამოეფარნენ და მოლდოველ ხალხს კი არა, ვაშინგტონელი და ბრიუსელელ კოლეგებს უწევენ ანგარიშს", _ აცხადებს კლიმენკო.
