საქართველოს პრეზიდენტმა მიხეილ სააკაშვილმა ჭავჭავაძის უნივერსიტეტში გამართულ შეხვედრაზე საქართველოში მცხოვრები ეროვნული უმცირესობების განათლების პრობლემაზე ისაუბრა.
"წარმატებული საქართველოს ქვაკუთხედი, ისტორიასთან ერთად, არის ენა. ძალიან მნიშვნელოვანია, რომ განვითარდეს ჩვენი ენა და ჩვენი ლიტერატურა ისწავლებოდეს. ეროვნული უმცირესობის წარმომადგენლებმა ისწავლონ თავიანთი კულტურული წარმომავლობის ყველა დეტალი, მაგრამ ასევე იცოდნენ ქართული ენა. უმაღლეს სასწვლაბლებში ჩასაბარებლად გავუმარტივეთ მათ პროგრამა. ეს იმას ნიშნავს, რომ 4 წლის ნაცვლად ჩვენი ეთნიკური უმცირესობის წარმომადგენლები ისწავლიან 5 წელიწადს. დამატებით ექნებათ საშუალება, რომ ენის ცოდნა უზრუნველყონ და მეორე მხრივ ისინი წავლენ არა სხვაგან, არამედ თავიანთ ქვეყანაში დარჩებიან და გააძლიერებენ ქვეყანას", _ განაცხადა სააკაშვილმა.