2010 წლის 21 ივლისს საქართველოს პარლამენტმა მიიღო დადგენილება კონსტიტუციური კანონის პროექტის გამოქვეყნებისა და მისი საყოველთაო-სახალხო განხილვის საორგანიზაციო კომისიის შექმნის შესახებ.
ამ მიზნით, ერთი თვის განმავლობაში კომისია შეხვედრებს მართავს საზოგადოების სხვადასხვა წარმომადგენლებთან და დაინტერესებულ ჯგუფებთან.
მიმდინარე პროცესის მხარდასაჭერად, საქართველოს პარლამენტისა და გაეროს განვითარების პროგრამის (UNDP) ერთობლივი ძალისხმევით შეიქმნა ვებ-გვერდი www.parliament.ge/publicdebates სადაც ნებისმიერ მოქალაქეს შეუძლია გაეცნოს აღნიშნულ კანონპროექტს და მასთან დაკავშირებულ მოსაზრებებს, ხოლო სურვილის შემთხვევაში თავად წარადგინოს საკუთარი აზრი.
გთხოვთ, გახსოვდეთ, რომ თქვენი აქტიური მონაწილეობა დემოკრატიისაკენ გადადგმული კიდევ ერთი ნაბიჯია.
