რუსეთის ფედერაციის წარმომადგენელი ნატოში დიმიტრი როგოზინი აცხადებს, რომ ნატოს წევრი სახელმწიფოები ცდილობენ ხელი შეუწყონ აფხაზეთისა და სამხრეთ ოსეთის საქართველოს შემადგენლობაში დაბრუნებას.
მისივე თქმით, ამის მიღწევას ეს სახელმწიფოები ეკონომიკური მეთოდებით ცდილობენ.
"საქართველოს ეკონომიკურად ძალიან ძლიერად ეხმარებიან. იმისათვის რათა მან სამხრეთ ოსეთის საზღვარზე "ქართული კაპიტალიზმის ვიტრინა მოაწყოს". ეს კი საქართველოს ახალი რესპუბლიკების საცდუნებლად სჭირდება", _ აცხადებს როგოზინი.
მისივე თქმით, ალიანსი თანამიმდევრულად მხარს უჭერს საქართველოს ტერიტორიულ მთლიანობას და ყოველივე ამას კოსოვოს დამოუკიდებლობის მხარდაჭერის ფონზე აკეთებს.
"მეტიც, ნატოს წევრი-სახელმწიფოები დიპლომატიურ ზეწოლას ახორციელებენ სხვა სახელმწიფოებზე, მათ შორის რუსეთის ისტორიულ და უახლოეს მოკავშირეებზე იმისათვის რათა მათ, არამც და არამც არ აღიარონ აფხაზეთისა და სამხრეთ ოსეთის დამოუკიდებლობა", _ აცხადებს როგოზინი.
