დღეს, ევროპის ჩემპიონატის შესარჩევი ეტაპის A დივიზიონის მატჩში, საქართველოს ნაკრები ბელგიის ეროვნულ გუნდს დაუპირისპირდება. მატჩი ბელგიაში, თბილისის დროით 22:15 საათზე დაიწყება. შეხვედრას ანტვერპენის არენა - "ლოტო" უმასპინძლებს.
შეხვედრას საქართველოს ნაკრები უდანაკარგოდ ხვდება. ქართველ კალათბურთელთა მთავარ მწვრთნელს, იგორ კოკოშკოვს ყველა წამყვანი მოთამაშის გამოყენების საშუალება ექნება.
ცნობისათვის, მატჩს პრდაპირ ეთერში საზოგადოებრივი მაუწყებელი აჩვენებს.
შეგახსენებთ, რომ საქართველოს ნაკრები საკუთარ ქვეჯგუფს ბულგარეთის ნაკრებთან ერთად ლიდერობს. 1-ელ ტურში ქართველებმა პოლონელები, ხოლო ბულგარელებმა პორტუგალიელები დაამარცხეს. ბელგიის ნაკრები კი ევროპის ჩემპიონატის შესარჩევი ეტაპს დღევანდელი მატჩით იწყებს.
