საქართველოს ხელისუფლება მიხვდა, რომ ძალისმიერი ოპერაციის ჩატარება აფხაზეთისა და სამხრეთ ოსეთის მიმართებაში ახლანდელ პირობებში შეუძლებელია, მაგრამ მზადება მაინც მიმდინარეობს. ეს განცხადება რუსული არმიის გენერალმა ქართველებისათვის 2008 წლის აგვისტოს მოვლენებიდან კარგად ნაცნობმა ანატოლი ნოგოვიცინმა ცხინვალში გააკეთა.
მისივე თქმით, ამავე დროს საქართველოს სამხედრო პოლიტიკური ხელმძღვანელობა აცხადებს, რომ მათ ეშინიათ აგრესიისა რუსეთის მხრიდან სააკაშვილის რეჟიმის დამხობის მიზნით.
"საქართველოს ხელისუფლება ემზადება თავდაცვითი მოქმედებებისათვის დასავლეთ და აღმოსავლეთ საქართველოს მიმართულებით. ძირითადი ძალისხმევა თავმოყრილია თბილისსა და აღმოსავლეთ საქართველოში. მუდმივად ხდება სავარაუდო ძალისმიერი მოქმედებების გათავისება", _ აცხადებს ნოგოვიცინი და აღნიშნავს, რომ დღეს უკვე აუცილებელია ყველა ამ ფაქტის გათვალისწინება.
"ჩვენ მშვენივრად გვესმის, რომ საქართველოს ახლანდელი ხელისუფლების პირობებში რაიმე სახის პოზიტიურ ცვლილებაზე საუბარი არ შეიძლება. ამჟამად რესპუბლიკაში იმყოფება მეოთხე რუსული სამხედრო ბაზა და რუსი სამხედროები თავიანთ ამოცანებს პირნათლად ასრულებენ", _ აღნიშნავს ნოგოვიცინი.