ე.წ. სამხრეთ ოსეთის სეპარატისტული რეჟიმის ლიდერი ედუარდ კოკოითი რუსული ენისთვის ე.წ. სახელმწიფო ენის სტატუსის მინიჭებას გეგმავს.
მისი თქმით, აუცილებელი ოსურ ენასთან ერთად ე.წ. სამხრეთ ოსეთში რუსული ენა მეორე ე.წ. სახელმწიფო ენად გამოცხადდეს, რითიც "მეგობრობა და კეთილმეზობლური ურთიერთობა რუსეთთან უფრო განმტკიცდება".
"რაც ყველაზე მთავარია, ჩვენ უნდა გავაძლიეროთ ჩვენი ძალისხმევა, რომ არ დავუშვათ ჩვენი ოპონენტების მხრიდან ვითარებაში ჩარევა, როგორც შიდა სახელმწიფოთაშორის, ასევე საერთაშორისო ურთიერთობის საკითხებში. ეს ყველაზე უარესი იქნება, რაც შეიძლება ჩვენთან მოხდეს. ჩვენ მოძმე ერი ვართ და ჩვენ ეს დავამტკიცეთ არა მარტო 2008 წელს, ასევე რუს და ოს ხალხს შორის ისტორიული ურთიერთობებით. რუსი და ოსი ხალხის ურთიერთობა - ეს წმინდა საკითხია", - განაცხადა კოკოითიმ.
