გამოვრიცხავ ბრალდებულზე, ან მისი ოჯახის წევრზე ზეწოლას ან შანტაჟს, მსგავსი რამ არ ყოფილა, - ამის შესახებ პროკურორი ბექა ეჟიშვილი საკრებულოს ყოფილი დეპუტატის, ზურაბ ნეფარიძის შვილის ბრალდებასთან დაკავშირებით აცხადებს.
მისი თქმით, მათ მიერ გავრცელებული ინფორმაცია ემსახურება პასუხისმგებლობაზე თავის არიდებას. მისივე თქმით, მრავალტომიან საქმეში არ არსებობს პირადი ცხოვრების ამსახველი არანაირი ვიდეოჩანაწერი.
"გამოვრიცხავ ბრალდებულზე, ან მისი ოჯახის წევრზე ზეწოლას ან შანტაჟს, მსგავსი რამ არ ყოფილა. მრავალტომიან საქმეში არ არსებობს პირადი ცხოვრების ამსახველი არანაირი ვიდეოჩანაწერი. მათ მიერ გავრცელებული ინფორმაცია ემსახურება პასუხისმგებლობაზე თავის არიდებას. პროკურატურის გენერალურმა ინსპექციამ ჩემი სამსახურეობრივი საქმიანობის მოკვლევა დაიწყო და შეწყვიტა. მიუხედავად ამისა, მზად ვარ ნებისმიერ ქმედებაზე ვაგო პასუხი", - განაცხადა ბექა ეჟიშვილმა.
ცნობისთვის, საკრებულოს ყოფილი დეპუტატის, ზურაბ ნეფარიძის შვილის განცხადებით, მას მამის პირადი ცხოვრების ამსახველი კადრების გასაჯაროებით ემუქრებოდნენ.
შეგახსენებთ, საკრებულოს ყოფილი დეპუტატი ზურაბ ნეფარიძე ქრთამის აღების ბრალდებით 26 აგვისტოს დააკავეს.
