პრემიერმა სამი დღის წინ დაუშვა ძალიან მძიმე შეცდომა თავისი მიმართვით და დღეს იმ შეცდომის გამოსასწორებლად "ქართული ოცნება" მიდის ახალ და კიდევ უფრო მძიმე შეცდომაზე, - ამის შესახებ "ევროპული საქართველოს" ლიდერმა დავით ბაქრაძემ ჟენევის ფორმატთან დაკავშირებით განაცხადა.
მისი თქმით, ჟენევის ფორმატთან თამაში მას ქვეყნის ინტერესებისთვის უაღრესად საშიშად და საზიანოდ მიაჩნია.
"უნდა გვესმოდეს, რომ ნებისმიერი საუბარი ჟენევის ფორმატის გადასინჯვაზე ნიშნავს პანდორას ყუთის გახსნას, რომლითაც დიდი ალბათობით ისარგებლებს რუსეთი და შეეცდება რომ საერთოდ გააქროს ჟენევის ფორმატი და სხვათაშორის ამ მიზნით გამოიყენოს კარასინი-აბაშიძის ალტერნატივაც. ამიტომ, ასე მოუმზადებლად, ჩვენს პარტნიორებთან პარტნიორობის გზის გარეშე ასე უბრალოდ იმისთვის, რომ გამოასწორო წინა წერილის შეცდომა, გადაფარო და რაღაც ახალი თქვა ვითომ კარგია", - განაცხადა ბაქრაძემ.