"ქრისტიან-დემოკრატები" სახელმწიფო ბიუჯეტიდან გასული წლების სახელფასო დავალიანების დაფარვას მოითხოვენ. ამის შესახებ განცხადება დღეს სესიაზე `ქრისტიან-დემოკრატების~ წარმომადგენელმა ლევან ვეფხვაძემ 2010 წლის ბიუჯეტის პროექტის განხილვისას გააკეთა.
მისი თქმით, გასული წლების სახელფასო დავალიანები 42 მილიონ ლარს შეადგენს და ფინანსთა სამინიტრომ უნდა დაიწყოს ბიუჯეტიდან დავალიანებბის ეტაპობრივი დაფარვა.
"სახელმწიფო უარს ამბობს სახელფასო დავალიანების დაფარვაზე, შევარდნაძის დროს სხვა საქართველო იყო და მასთან კავშირი არ გვაქს? ჩვენი ქვეყნის მოქალაქეები აღარ არიან? სახელმწიფო ეუბნებათ, რომ თუ გინდათ ეს თანხა წადით და იჩივლეთ. ამ ადამიანებს კი ჩივილი სამჯერ მეტი თანხა უჯდებათ. სააკაშვილის ხელისუფლებაში რაიმე, რომ მოხდეს მესამე ხელისუფლებამ უნდა თქვას წადით და ხელფასები სააკაშვილსა და ბაინდიურაშვილს მოთხოვეთო? ასე სახელმწიფო ვერ ჩამოყალიბდება, ვინაიდან ქვეყანას მოქალაქეების მიმართ ვალდებულებები გააჩნია, მართალი თქვენ მათ ჩარეცხილებს უწოდებთ. თუ არ იღებთ ვალდებულებებს, მაშინ ჩამოართვით მათ მოქალაქეობა და გაყარეთ ქვეყნიდან", - განაცხადა ვეფხვაძემ.
იგი აქცენტს იმაზე აკეთებს, რომ ამ საკითხზე საუბარი სახალხო დამცველის 2009 წლის მოხსენებაშიც არის, სადაც ომბუდსმენი მოუწოდებს ფინანსთა სამინიტროს მოხდეს დავალიანების დაფარვა.
