პოლიციის პოლკოვნიკზე, დავით როსტომაშვილზე თავდასხმაში ბრალდებულების სასამართლო პროცესზე დღეს, თბილისის საქალაქო სასამართლოში დაცვის მხარის მოწმეები, კერძოდ კი, ექსპერტები დაიკითხნენ.
როგორც საქმის პროკურორი, ბესიკ ქვარცხავა „ჯი-ეიჩ-ენთან“ საუბარში აცხადებს, ექსპერტების ჩვენება სუბიქექტური ხასიათის მოსაზრებებზე იყო დაფუძნებული.
„დღევანდელ პროცესზე გრძელდებოდა მტკიცებულებების გამოკვლევა, ამჯერად სასამართლო პროცესზე დაიკითხა დაცვის მხარის ორი მოწმე, რომლებიც არიან კერძო ექსპერტები და ჩაატარეს ექსპერტიზა. მათი ჩვენებები საქმისათვის მნიშვნელობის მქონე რაიმე გარემოებას არ უარყოფენ და არც ადასტურებენ.
დაცვის მხარის მოწმეები პროცესზე ჩვენების მიცემისას გასცდნენ მათ მიერ ჩატარებული ექსპერტიზის დასკვნის ფარგლებს, კერძოდ ერთ-ერთმა ექსპერტმა გააკეთა გარკვეული განმარტებები საკვლევი ობიექტის ვიდეოჩანაწერის ირგვლივ, თუმცა მსგავსი განმარტება მას უშუალოდ აღნიშნულ საკითხზე მის მიერ გაცემულ წერილობით ექსპერტიზის დასკვნაში არ მიუთითებია და არც შესაბამისი კვლევა ჩაუტარებია. ამდენად მათ ისაუბრეს გარემოებებზე, რომლებიც აბსოლიტურად არ შეესაბამება მათთან გამოსაკვლევად წარდგენილ შესაბამის კვლევის ობიექტებს, რის გამოც მათ მიერ სასამართლოსთვის მიწოდებული ინფორმაცია არ არის კატეგორიული და დაფუძნებულია მხოლოდ სუბიექტური ხასიათის მოსაზრებებზე“, - აცხადებს ბესიკ ქვარცხავა.
შემდეგი სასამართლო პროცესი 11 მარტს, 12:00 საათზე ჩაინიშნა.
ცნობისთვის, დავით როსტომაშვილზე თავდასხმის საქმეზე სამი პირია ბრალდებული - ბექა კირვალიძე, ზურაბ ქუთელია და არტემ აგაჯამოვი.
ბექა კირვალიძეს წარდენილი აქვს 179-ე მუხლის მე-2 ნაწილის "ბ" და მე-3 ნაწილის "ა" ქვეპუნქტები, 238-ე პრიმა მუხლის მეორე ნაწილით და 379-ე მუხლის პირველი ნაწილით. ითვალისწინებს თავისუფლების აღკვეთას რვიდან თორმეტ წლამდე. არტემ აგაჯანოვს წარდგენილი აქვს 25-179-ე მუხლის მეორე ნაწილის "ბ" ქვეპუნქტი , ითვალისწინებს ექვსიდან ცხრა წლამდე. ზურაბ ქუთელიას წარდგენილი აქვა 179-ე მუხლის მეორე ნაწილის "ბ" ქვეპუნქტი ითვალისწინებს ექვსიდან ცხრა წლამდე თავისუფლების აღკვეთას.