საქართველოს ყოფილი პრეზიდენტი თბილისის საქალაქო სასამართლოს მიერ მის წინააღმდეგ გამოტანილ განაჩენს აფასებს. საგანგებო განცხადება მან ფეისბუკის პირად გვერდზე გამოაქვეყნა.
„ქართული სასამართლოს გადაწყვეტილება არის ყოვლად უკანონო და საერთაშორისო და ნაციონალურ ნორმებს ეწინააღმდეგება. პრეზიდენტის გასამართლება იმის გამო, რომ მან შეწყალების უფლება გამოიყენა, ამ პროცესის პოლიტიზირებულობაზე მიანიშნებს. ეს ნიშნავს იმას, რომ საქართველოს ხელისუფლებამ ამ 5 წლის განმავლობაში ჩემს წინააღმდეგ ვერანაირი კომპრომატი ვერ მოიპოვა, ვერ კორუფციის და ვერც სხვა სახის სამართალდარღვევის,“-წერს სააკაშვილი.
თბილისის საქალაქო სასამართლომ მიხეილ სააკაშვილს გირგვლიანის საქმეზე 3 წლით თავისუფლების აღკვეთა მიუსაჯა და ამასთანავე ჩამოართვა თანამდებობის დაკავების უფლება 1 წლითა და 5 თვის ვადით.
