საპოლიციო კონტროლი, რომელიც დაანონსდა, არის მნიშვნელოვანი და დროული, - ასე აფასებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე შსს–ს მიერ, პრევენციის მიზნით, რეგიონებსა და თბილისში საპოლიციო კონტროლის განხორციელება დაწყებას.
კილაძის თქმით, ვიდრე, რაიმე შედეგი დადგება, უნდა ჩაერთოს პოლიცია.
„ჩვენ, როდესაც 2013 წელს დავიწყეთ მუშაობა ”პოლიციის შესახებ” ახალ კანონზე, მკაცრად გაიწერა საპოლიციო კონტროლი. როგორც ღონისძება, ეს კონტროლი არის დეტალურად გაწერილი კანონში და შესაბამისად, პირველი მიზანი ამ საპოლიციო კონტროლის არის პრევენცია. შესაბამისად, მგონია, რომ ეს პრევენციული ღონისძიებები იყო დროული. ვიცით, რომ რიგ დანაშაულებებს ჰქონდა ადგილი, მათ შორის დიდი ტრაგედია, რაც უკავშირდებოდა ბავშვებს. ამიტომ, ვიდრე, რაიმე შედეგი დადგება, უნდა ჩაერთოს პოლიცია. მგონია, ეს საპოლიციო კონტროლი, რომელიც დაანონსდა, არის მნიშვნელოვანი და დროული. მივესალმები, თუ ასეთი ღონისძებები პერიოდულად ჩატარდება“, - განაცხადა სოფიო კილაძემ.
