იმას, რაც მოხდა, ჩემი გამართლება არ სჭირდება და არც მინდა, ამაზე ვისაუბრო, უბრალოდ გარემო და ქცევები, რაც „ნაციონალური მოძრაობის“ მხრიდან მოდიოდა, ძალიან მძიმე იყო, ეს [ნაციონალური მოძრაობა] არის აგრესიული, დესტრუქციული ძალა, რომელიც დებოშის გზას პოულობს, - ამის შესახებ პარლამენტის თავმჯდომარის პირველმა მოადგილემ, თამარ ჩუგოშვილმა პრემიერ-მინისტრსა და ნიკა მელიას შორის მომხდარ დაპირისპირებაზე საუბრისას, საზოგადოებრივი მაუწყებლის ეთერში განაცხადა.
მისივე თქმით, „ნაციონალური მოძრაობასთან“ მომხდარმა ინციდენტმა ის მნიშვენელოვანი პროცესი გადაფარა, რასაც პარლამენტში ამ დღეების განმავლობაში გადიოდნენ.
„ბოლო ორი, ძალიან დატვირთული დღის განმავლობაში, საკომიტეტო ფორმატში გამართული დისკუსიები ძალიან საინტერესო და კარგი იყო და ძალიან დასანანია, რომ „ნაციონალური მოძრაობასთან“ მომხდარმა ინციდენტმა ის მნიშვენელოვანი პროცესი გადაფარა, რასაც პარლამენტში ამ დღეების განმავლობაში გავდიოდით“, – განაცხადა ჩუგოშვილმა.