ბობოყვათში მსუბუქი ავტომობილი მოზარდს დაეჯახა.
ახლობლების თქმით, 8 წლის ბავშვი სკოლიდან სახლში ბრუნდებოდა, გზაზე გადაკვეთს დროს კი, მსუბუქი ავტომობილი დაეჯახა.
არსებული ინფორმაციით, ბავშვი ქობულეთის რეფერალურ საავადმყოფოში გადაიყვანეს, ექიმის განცხადებით, მისი მდგომარეობა მძიმეა. პაციენტი ხელოვნური სუნთქვის აპარატზე ჰყავდათ, ამ წუთებში დაზარალებული რეანომობილით ქუთაისის საავადმყოფოში გადაჰყავთ.
შსს-ს ინფორმაციით, მომხდარზე საქმე 276-ე მუხლის პირველი ნაწილით აღიძრა, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
