2017 წელს მსოფლიოს მასშტაბით 262 ჟურნალისტი დააპატიმრეს. საგანგაშო სტატისტიკას ჟურნალისტთა დაცვის საერთაშორისო კომიტეტი აქვეყნებს. CPJ-ს განცხადებით, 2016 წლის ისტორიული მაქსიმუმის შემდეგ ეს რეკორდული მაჩვენებელია. გასულ წელს მსოფლიოში 259 ჟურნალისტი დააპატიმრეს.
13 დეკემბერს გამოქვეყნებული ანგარიშის თანახმად, წელს დაპატიმრებული ჟურნალისტების საერთო რაოდენობის ნახევარზე მეტი თურქეთზე, ჩინეთსა და ეგვიპტეზე მოდის. CPJ-ს სიაში
აზერბაიჯანი, რუსეთი, ირანი, უზბეკეთი, ყაზახეთი, პაკისტანი, უკრაინა, თურქმენეთი და ყირგიზეთიც მოხვდა.
დაპატიმრებული ჟურნალისტების უმრავლესობას ბრალად ანტისახელმწიფოებრივ ქმედებებში დასდეს.
