მიხეილ სააკაშვილი მის წინააღმდეგ წაყენებულ ბრალდებაში სისხლის სამართლის დანაშაულის ნიშნებს ვერ ხედავს. ამის შესახებ მან „ეხო კავკაზა“-სთვის მიცემულ ინტერვიუში განაცხადა.
„მე არ ვიცნობ სერგეი კურჩენკოს, არასდროს მსურდა მასთან ლაპარაკი და არც დავლაპარაკებივარ, მაგრამ რომც დავუჯეროთ პროკურატურას და მათ ჩანაწერებს, სად არის სისხლის სამართლის დანაშაული? კონკრეტულად რაში მადანაშაულებენ? სად არის ამ ჩანაწერებში ძალადობის ან ხელისუფლების დამხობისკენ მოწოდება? სად არის ფული? სად არის ფაქტები? სად არის მტკიცებულებები და დანაშაულის ნიშნები?“ - აღნიშნა სააკაშვილმა.
