ბოლო ორი თვის განმავლობაში, ნიუ-იორკში მასობრივი მკვლელობის მცდელობის შემთხვევა ცხადს ხდის იმიგრაციის შესახებ კანონის გამკაცრების აუცილებლობას, - ამის შესახებ აშშ-ის პრეზიდენტმა ნიუ-იორკში გუშინ მომხდარი აფეთქების შემდეგ განაცხადა.
დონალდ ტრამპის თქმით, ამერიკელების უსაფრთხოებისთვის მნიშვნელოვანია, აშშ-ის კონგრესმა იმიგრაციის შესახებ კანონი გაამკაცროს.
აშშ-ის პრეზიდენტი აღნიშნავს, რომ მანჰეტენზე აფეთქებაში ეჭვმიტანილი ქვეყანაში ე.წ. ოჯახური იმიგრაციის პროგრამით მოხვდა, რაც ეროვნულ უსაფრთხოებასთან არათავსებადია.
„კონგრესმა უნდა შეაჩეროს ჯაჭვური მიგრაცია. მათ ასევე უნდა მიიღონ მხედველობაში ჩემი ადმინისტრაციის სხვა განცხადებები, რომლებიც უსაფრთხოების გაძლიერებისკენაა მიმართული. უდიდესი ზიანი, რომელიც ამ ხარვეზებიან სისტემას მოაქვს ამერიკის უსაფრთხოებისთვის და ეკონომიკისთვის, უკვე დიდი ხანია თვალსაჩინოა“, – აცხადებს დონალდ ტრამპი.
