ეს კაცი საქართველოსთვის ნეგატიური წარსული და გამოცდილებაა, - განაცხადა ფრაქცია „ქართული ოცნების“ თავმჯდომარე მამუკა მდინარაძემ მიხეილ სააკაშვილთან დაკავშირებით.
მისი თქმით, საქართველოს ყოფილ პრეზიდენტს საქართველოს პოლიტიკურ ლანდშაფტზე რაიმე გავლენის მოხდენა არ შეუძლია.
,,სააკაშვილის გადმოცემასთან დაკავშირებით საქართველოს პროკურატურას რამდენიმე მოთხოვნა აქვს გაგზავნილი. სამართალდამცველები ურთიერთობებს ერთმანეთში გაარკვევენ. თუმცა არ მგონია, რომ მაინცდამაინც ეს ამბავი მოსალოდნელი იყოს. რაც შეეხება მის უკრაინულ ვოიაჟს, უკრაინელები კონკრეტულ ბრალს უყენებენ. ეს მათი საქმეა. ჩვენ ვიცით ერთი რამ – ეს კაცი საქართველოსთვის ნეგატიური წარსული და გამოცდილებაა და მას საქართველოს პოლიტიკურ ლანდშაფტზე რაიმე ზეგავლენის მოხდენა არ შეუძლია. საბედნიეროდ, ის ჩვენს ქვეყანაში აქტიური აღარ არის”. – განაცხადა მამუკა მდინარაძემ.
კიევში სააკაშვილის სასამართლო პროცესი მიმდინარეობს. პროკურატურა მისთვის შინაპატიმრობას ითხოვს.