ისრაელის პრემიერ-მინისტრმა ბრიუსელში შეხვედრები დაიწყო. ბენიამინ ნეთანიაჰუ ევროკავშირის საგარეო პოლიტიკის კოორდინატორმა მიიღო. ფედერიკა მოგერინიმ კიდევ ერთხელ დაადასტურა, რომ ევროკავშირი დონალდ ტრამპის მიერ მიღებულ გადაწყვეტილებას ისრაელის დედაქალაქად იერუსალიმის აღიარების შესახებ არ ეთანხმება და მხარს იერუსალიმის სტატუსის შესახებ მოლაპარაკების გაგრძელებას უჭერს.
