„დღევანდელ სხდომაზე ბრალდების მხარის მოწმეთა დაკითხვა გაგრძელდება, კერძოდ, იმჟამინდელი საპატრულო პოლიციის ერთ-ერთი თანამშრომელი, ბესიკ კოტორაშვილი დაიკითხება“, - ამის შესახებ ბუტა რობაქიძის მკვლელობის საქმის პროკურორმა გიორგი ოსაძემ, დღევანდელი სასამართლო პროცესის დაწყებამდე, ჟურნალისტებს განუცხადა.
როგორც პროკურორმა განმარტა, ბესიკ კოტორაშვილთან იქნება კითხვები - რა ვითარებაში ნახა მან დაკავებული პირები და გარდაცვლილი.
„ასევე, გადაცემა "პატრულის" თანამშრომლები, მემონტაჟე, ჟურნალისტი და ოპერატორი, რომლებიც სასამართლოს წინაშე, თავის დროზე გამოძიებისათვის მიცემულ ინფორმაციას დაადასტურებენ, იმასთან დაკავშირებით, რაც მათთვის არის ცნობილი 2004 წლის 24 ნოემბერს განვითარებულ მოვლენებთან დაკავშირებით.
ბესიკ კოტორაშვილთან იქნება კითხვები - რა ვითარებაში ნახა მან დაკავებული პირები და გარდაცვლილი. ის აცხადებს, რომ შემთხვევის ადგილზე მისვლისას, დაკავებულ პირებთან ცეცხლსასროლი იარაღი არ უნახავს, არც ავტომანქანის ირგვლივ შეუმჩნევია რამე სახის საბრძოლი მასალა ან ცეცხლსასროლი იარაღი" - აცხადებს პროკურორი.
ცნობისთვის, თბილისის საქალაქო სასამართლოში, ბუტა რობაქიძის მკვლელობის საქმის განხილვა ამ წუთებში განახლდა.