დღეს უკრაინის სასამართლომ მიხეილ სააკაშვილისთვის აღკვეთის ღონისძიების შესახებ უნდა იმსჯელოს. პროცესი სავარაუდოდ პეჩორსკის სასამართლოში, კრეშატნიკის ქუჩაზე გაიმართება.
ამ ეტაპზე უცნობია სასამართლო მოსმენის გამართვის ზუსტი დრო.
მიხეილ სააკაშვილი კიევში 8 დეკემბერს, ერთ-ერთ საცხოვრებელ ბინაში დააკავეს. ის ამჟამად წინასწარი დაკავების იზოლატორში იმყოფება. ოდესის ყოფილი გუბერნატორი სისხლის სამართლის კოდექსის 256-ე მუხლის საფუძველზეა დაკავებული, რაც ორგანიზებული დანაშაულებრივი დაჯგუფებისთვის ხელშეწყობას გულისხმობს.
