მოძრაობა „სერბის“ აქტივისტებმა მოსკოვის კინოთეატრ „ოქტომბერში“ უკრაინის ომზე გადაღებული დოკუმენტური ფილმის, „ტყვიის გაფრენა“ ჩაშალეს. ისინი დარბაზში ყვირილით შეიჭრნენ და ანტირუსული ფილმის ჩვენების შეწყვეტა მოითხოვეს. ისინი დარბაზიდან სამართალდამცველებმა გაიყვანეს, თუმცა აქტივისტები დარბაზში ისევ შეიჭრნენ. ამის შემდეგ დარბაზიდან მაყურებლის ევაკუაცია განხორციელდა. მოგვიანებით კი დოკუმენტური ფილმების ფესტივალის ორგანიზატორებმა ოფიციალურად განაცხადეს, რომ ფილმის ჩვენება აღარ გაიმართება.
