გაეროს უშიშროების საბჭო ვაშინგტონის მიერ იერუსალიმის სტატუსთან დაკავშირებით მიღებულ გადაწყვეტილებაზე საგანგებო სხდომას გამართავს.
სხდომის ჩატარება უშიშროების საბჭოს წევრებმა, ბოლივიამ, დიდმა ბრიტანეთმა, ეგვიპტემ, იტალიამ, სენეგალმა, ურუგვაიმ, საფრანგეთმა და შვედეთმა მოითხოვეს.
სხდომაზე ანგარიშით გაეროს გენერალური მდივანი გამოვა. ანტონიუ გუტერიშმა გუშინ განაცხადა, რომ იერუსალიმის სტატუსის შესახებ საკითხი მხოლოდ ისრაელსა და პალესტინას შორის მოლაპარაკებების გზით უნდა გადაიჭრას.
პრეზიდენტმა ტრამპმა იერუსალიმი ისრაელის დედაქალაქად გუშინ აღიარა.
ტრამპმა იერუსალიმის ისრაელის დედაქალაქად აღიარების გადაწყვეტილება დამოუკიდებლად, ისრაელის სახელმწიფოს მონაწილეობის გარეშე მიიღო. ამის შესახებ Fox News-სთვის მიცემულ ინტერვიუში გაეროში აშშ-ს ელჩმა ნიკი ჰეილიმ განაცხადა.
