რუსეთის ხელისუფლება 2018 წლის ზამთრის ოლიმპიურ თამაშებში რუსი სპორტსმენების ნეიტრალური სტატუსით მონაწილეოებას დასაშვებად მიიჩნევს. ამის შესახებ რუსეთის პრეზიდენტმა განაცხადა.
"პირდაპირ უნდა ვთქვათ, რომ ამაში ნაწილობრივ ჩვენ თვითონ ვართ დამნაშავეები, რადგანაც ამის მიზეზი მივეცით"- აღნიშნა პუტინმა.
საერთაშორისო ოლიმპიური კომიტეტის აღმასრულებელი კომიტეტის გადაწყვეტილებით, რუსეთის ნაკრები 2018 წლის ოლიმპიადაში საკუთარი დროშით მონაწილეობას ვერ მიიღებს. რუს სპორტსმენებს უფლება აქვთ მხოლოდ ნეიტრალური ოლიმპიური დროშის ქვეშ იასპარეზონ.
რადიკალური გადაწყვეტილების მიზეზი დოპინგ-სკანდალი გახდა.
