ჟურნალმა Time-მა წლის ადამიანებად Silence Breakers-ს ქალბატონები დაასახელა. პრესტიჟული ტიტული მსახიობმა ეშლი ჯადმა, მომღერალმა ტეილორ სვიფტმა და კომპანია Uber-ის ყოფილმა ინჟინერმა სიუზან ფაულერმა იმისთვის მიიღეს, რომ სექსუალური შევიწროვების შესახებ პირველები ალაპარაკდნენ. სექსუალური სკანდალის პირველი ფიგურანტი პროდიუსერი ჰარვი ვაინშტეინი გახდა. ის სექსუალურ ძალადობასა და შევიწროვებაში 50-ზე მეტმა ქალმა დაადანაშაულა.
