უკრაინის ხელისუფლება ღირსეულ პასუხს გასცემს ქვეყნის შიგნით სიტუაციის არევის მცდელობას. ამის შესახებ უკრაინის პრეზიდენტმა პეტრო პოროშენკომ განაცხადა.
„ვფიქრობდი, რომ ჩემი გაოცება რთული იყო, მაგრამ, რაც გუშინ მოხდა, ყველასათვის შოკისმომგვრელი იყო. რა თქმა უნდა, მადლობას ვუხდი უკრაინის უსაფრთხოების სამსახურსა და გენერალურ პროკურატურას ეროვნული ინტერესებისა და სახელმწიფოებრიობის დაცვისთვის“, - განაცხადა უკრაინის პრეზიდენტმა უკრაინის შეიარაღებული ძალების დღისადმი მიძღვნილ ღონისძიებაზე.
მისივე თქმით, ხელისუფლება პატივს სცემს ხალხის უფლებას, მშვიდობიანად გამოხატოს პროტესტი.
„ჩვენ ეს ბოლო რამდენიმე კვირის განმავლობაში ვაჩვენეთ. თუმცა, აქციის ორგანიზატორებს სისხლი სწყუროდათ და ძალოვნების პროვოცირებას ახდენდნენ. არმია იმისათვის არ დგას ფრონტზე, რომ მტერი ზურგს უკან მოქმედებდეს. ჩვენ მსგავს მცდელობებს პასუხს გავცემთ “, - აღნიშნა უკრაინის პრეზიდენტმა.
