„განაჩენი უკანონო რომ არის და ჩვენი საჩივარიც ამასთან დაკავშირებულია, სწორედ ამას განიხილავს დღეს სასამართლო“, - ამის შესახებ ე.წ ციანიდის საქმეზე მსჯავრდებულ დეკანოზ გიორგი მამალაძის ადვოკატმა, მიხეილ რამიშვილმა „ჯი-ეიჩ-ენს“, სასამართლო პროცესის დაწყებამდე განუცხადა.
„გვექნება გარკვეული შუამდგომლობები, ეს ეხება, როგორც პროცესის საჯაროობას, ასევე, ირაკლი ფირცხალავას დამატებით დაკითხვას“, - განმარტა ადვოკატმა.
რამდენიმე წუთში, თბილისის სააპელაციოსასამართლოში ე.წ ციანიდის საქმის განხილვა დაიწყება. დაცვის მხარე თბილისის სააპელაციო სასამართლოს მიერ გამოტანილ განაჩენს ასაჩივრებს, ბრალდება კი დეკანოზ გიორგი მამალაძისთვის ბრალის დამძიმებას მოითხოვს.
დღეს, ასევე, დაყენებული იქნება შუამდგომლობა სხდომების საჯაროობასთან დაკავშირებით.
შეგახსენებთ, დეკანოზ გიორგი მამალაძეს თბილისის სააპელაციო სასამართლომ 5 სექტემბერს, 9 წლით თავისუფლების აღკვეთა მიუსაჯა.
