საქართველოს ყოფილი პრეზიდენტის, მიხეილ სააკაშვილის განმარტებით სახურავზე ასვლით მან დრო მოიგო, რათა მის მხარდამჭერებს შეკრება მოესწროთ.
როგორც სააკაშვილმა გადაცემა "არჩევანში" განაცხადა, ის ელოდა, რომ დააკავებდნენ, თუმცა ასეთ უხეშ მეთოდებს არა. მისი განმარტებით მაშინ, როდესაც სპეცრაზმი ცდილობდა შევარდნას მის სახლში, ის ავიდა სახურავზე და ამ გზით მოიგო დრო, რათა მომხდარიყო ხალხის მობილიზება.
მისივე თქმით, ის სახურავზე ყოფნის დროს ეუბნებოდა სპეცრაზმის თანამშრომლებს, რომ თუ მიეკარებოდნენ მაშინ ის სახურავიდან ჩასრიალდებოდა და ამ გზით შეძლო მათი შეკავება, ხალხმა კი მის სახლთან შეკრება მოასწრო.
