იემენში 4 დეკემბერს მოკლული ექსპრეზიდენტის, ალი აბდალა სალეჰის ძმიშვილი, ტარეკ სალეჰი დაიღუპა. ამის შესახებ „სკაი ნიუს არაბია“ იტყობინება. გავრცელებული ინფორმაციით, გენერალი ჰუსიტებთან შეტაკებას ემსხვერპლა. ყოფილი პრეზიდენტი შიიტმა ამბოხებულებმა დედაქალაქის დატოვების მცდელობისას მოკლეს. ეს მას შემდეგ მოხდა, რაც ექსპრეზიდენტმა სალეჰმა ყოფილი მოკავშირე ჰუსიტები მოღალატეებად გამოაცხადა და მოსახლეობას მათთვის წინააღმდეგობის გაწევისკენ მოუწოდა.
