„ფარჩაკები ვერ მიხვდნენ, ვისთან აქვთ საქმე. მე ვარ გამარჯვებისთვის დაბადებული, ქართველ და უკრაინელ ხალხთან ერთად. ნახეთ უკრაინელებმა რა გმირობა ჩაიდინეს,“ - ეს განცხადება მიხეილ სააკაშვილმა „კურიერთან“ სატელეფონო ინტერვიუს დროს გააკეთა.
„მინდა მადლობა ვუთხრა მხარდაჭერისთვის დედაჩემს, სანდრას, ნიკუშას. ვუტირებთ ყოფას ყველა ოლიგარქს, ხალხის მძარცველს და დამამცირებელს უკრაინასა და საქართველოში,“ - აღნიშნა სააკაშვილმა.
ბორკილებდადებული მიხეილ სააკაშვილი იმ მიკროავტობუსიდან გადმოიყვანეს, რომელშიც ის რამდენიმე საათის განმავლობაში სამართალდამცველებს ჰყავდათ დაკავებული.
უკრაინის გენერალური პროკურატურა მიხეილ სააკაშვილისთვის შინაპატიმრობას მოითხოვს, - ამის შესახებ დღეს გამართულ ბრიფინგზე გენერალურმა პროკურორმა იური ლუცენკომ განაცხადა. მან იმედი გამოთქვა, რომ სააკაშვილისთვის აღკვეთის ღონისძიების შეფარდებაზე სასამართლო ხვალ გაიმართება.
