"იმედი გვაქვს, რომ პრეზიდენტ სააკაშვილის ფიზიკური დაცულობა, ამ რთულ გარემოებაში, უზრუნველყოფილი იქნება", - ამის შესახებ საქართველოს ეროვნული უშიშროების საბჭოს მდივანმა, დავით რაქვიაშვილმა უკრაინაში მიმდინარე მოვლენებთან დაკავშირებით განაცხადა.
რაქვიაშვილის შეფასებით, კიევში მიმდინარე მოვლენები ცხადია, უკრაინის შიდაპოლიტიკური პროცესებია.
"ამ წუთებში, კიევში მიმდინარე მოვლენები ცხადია, უკრაინის შიდაპოლიტიკური პროცესებია, რომელზეც პოლიტიკური შინაარსის კომენტარს ჩვენ, ბუნებრივია, არ გავაკეთებთ და ვერ გავაკეთებთ.
ამავდროულად, ამ მოვლენების ეპიცენტრში იმყოფება საქართველოს ყოფილი პრეზიდენტი და ეს განსაკუთრებულ მნიშვნელოვნებას და დატვირთვას აძლევს ამ მოვლენებს.
იმედი გვაქვს, რომ პრეზიდენტ სააკაშვილის ფიზიკური დაცულობა, ამ რთულ გარემოებაში, უზრუნველყოფილი იქნება", - აცხადებს უშიშროების საბჭოს მდივანი.