"ვაფასებთ გიორგი ფოფხაძის პროფესიონალიზმს, მის მიერ გაწეულ საქმიანობას იმ მიმართულებებით, რომელი მიმართულებითაც წლების განმავლობაში მუშაობდა", - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ სოფიო კილაძემ განაცხადა.
კილაძის თქმით, და ეს დასაფასებელია.
მისივე თქმით, მიუხედავად აღნიშნულისა, ”ქართული ოცნების” გუნდს ყავს თავისი წარმომადგენელი, რომელიც გუნდის აზრით, სხვადასხვა კრიტერიუმებით უფრო მეტად აკმაყოფილებს სახალხო დამცველისთვის აუცილებელ ნიშან-თვისებებს.
”ჩვენ განვიხილეთ ბატონი გიორგის კანდიდატურა კომიტეტზე, ცოტა უცნაური ფორმით, მაგრამ ჩავთვალეთ, რომ გამჭვირვალობისთვის მიზანშეწონილი იყო ბატონ გიორგის ინტერნეტის საშუალებით დაეფიქსირებინა ხედვა. ამ განხილვების შემდეგ კომიტეტის დასკვნა იყო უარყოფითი, რადგან კომიტეტის წევრების უმრავლესობამ მხარი არ დაუჭირა ბატონ გიორგის, თუმცა აქვე მინდა აღვნიშნო, რომ მაქსიმალურად ვაფასებთ მის პროფესიონალიზმს, მის მიერ გაწეულ საქმიანობას იმ მიმართულებებით, რომელი მიმართულებითაც წლების განმავლობაში მუშაობდა. ის ”ნაციონალური მოძრაობის” რეჟიმის წინააღმდეგ წლების განმავლობაში იბრძოდა და ამას ძალიან დადებითად ვაფასებთ.
ამის მიუხედავად ”ქართული ოცნების” გუნდს ყავს თავისი წარმომადგენელი, რომელიც ჩვენი აზრით, სხვადასხვა კრიტერიუმებით უფრო მეტად აკმაყოფილებს სახალხო დამცველისთვის აუცილებელ ნიშან-თვისებებს. კომიტეტის გადაწყვეტილება იყო ისეთი, როგორიც იყო, თუმცა ვადასტურებთ ჩვენს ძალიან დადებით შეფასებას ბატონი გიორგის მიმართ”, - განაცხადა კილაძემ.
ცნობისთვის, ფრაქცია “საქართველოს პატრიოტების” მიერ წარდგენილი სახალხო დამცველობის კანდიდატი გიორგი ფოფხაძე ადამიანის უფლებათა დაცვის კომიტეტს საქართველოში არყოფნის გამო ინტერნეტით ჩაერთო.