პატრიარქის მიერ მის მოსაყდრედ დასახელების გადაწყვეტილებას მიტროპოლიტი შიო მუჯირი ეხმიანება და აცხადებს, რომ მიღებული გადაწყვეტილება მისთვის „უდიდესი ჯვარია“.
„მისმა უწმინდესობამ ისეთი დიდი პატივი მარგუნა წილად, რომ ვღელავ, რამეთუ ეს უდიდესი ჯვარია. მე იმედი მაქვს ღვთის მადლის, შეწევნის, წმინდა გიორგის მფარველობის და მისი უწმინდესის მამობრივი ხელმძღვანელობის და ლოცვა-კურთხევის. მე ნამდვილად, ჩემი თავი მიმაჩნია ღირსად ამ მსახურებისთვის“, - განაცხადა მეუფე შიომ ჟურნალისტებთან.
მისივე თქმით, ეს არის განსაკუთრებული ვითარება.
,,ჩვენს ისტორიაში მე ვერ ვიხსენებ ასეთ ვითარებას. უახლოეს მომავალში გამოჩნდება როგორი იქნება ვალდებულებები’ - აღნიშნა მან და დასძინა, რომ პატრიარქის გადაწყვეტილების შესახებ წუხელ გაიგო.
