"7 ნოემბერი არის იმის დასტური, რომ საკუთარი მოქალაქეების მიმართ ძალადობა არავის ეპატიება", - ამის შესახებ იურიდიულ საკითხთა კომიტეტის თავმჯდომარემ, ეკა ბესელიამ კომიტეტის სხდომაზე 2007 წლის 7 ნოემბრის მოვლენებზე საუბრისას განაცხადა.
ბესელიას განმარტებით, ეს დღე ისტორიას დარჩება, როგორც თავისუფლებისთვის ბრძოლის დღე.
“ეს არის დღე, რომელიც არის ადამიანის უფლებებისთვის, თავისუფლებისთვის ბრძოლის სიმბოლო. ეს არის დღე, რომელიც არის ნიშანდობლივი, თუ რა შედეგები მოჰყვება ძალადობას და სისასტიკეს ხელისუფლების მხრიდან საკუთარი მოქალაქეების მიმართ. 7 ნოემბერი დარჩება ისტორიას, როგორც თავისუფლებისთვის ბრძოლის დღე”, - განაცხადა ბესელიამ.
