დედაქალაქის ახლადარჩეული მერის, კახა კალაძის განცხადებით, სამარშრუტო ტაქსებთან დაკავშირებით გარკვეული რეგულაციები დღესაც არსებობს, თუმცა მისი აღსრულება არ ხდება და ეს მიუღებელია.
მისი თქმით, მუშაობა რეგულაციების აღსრულებასთან დაკავშირებითაც დაიწყება და იმისთვის, რომ მგზავრებს კომფორტი შეუნარჩუნდეთ, სწორ ხედვას საკრებულოსთან ერთად, უახლოეს პერიოდში წარმოადგენენ.
„ეს ჩემთვის კატეგორიულად მიუღებელია, იმიტომ რომ უამრავი ადამიანი მგზავრობს დღეს ყვითელი სამარშრუტო ტაქსებით. ეს არის N1 ტრანსპორტი, რომელსაც ყველაზე მეტი მგზავრი გადაჰყავს დღის განმავლობაში, შესაბამისად, მგზავრებისთვის კომფორტის შექმნა არის ძალიან პრინციპული და მნიშვნელოვანი. ის, რომ ზაფხულის თვეებში კონდიციონერს არ რთავდნენ და ხალხი იხჩობოდა მარშუტკებში, ვეღარ იქნება და აღარ იქნება. კეთილი ინებოს კომპანიის ხელმძღვანელობამ და ის რეგულაციები, რაც არსებობს, აღსრულებაში მოიყვანოს“, - თქვა კალაძემ.
