"ადვოკატ გოგა ონიანის დაკავება სასამართლოს გადაწყვეტილებაა და პოლიტიკურ ანგარიშსწორებას ადგილი არ აქვს", - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, სოფო კილაძემ განაცხადა.
მისივე თქმით, სასამართლოს გადაწყვეტილებას ყველა უნდა დაემორჩილოს.
“როდესაც არის სასამართლოს გადაწყვეტილება, მოგვწონს ის თუ არა, ყველანი სასამართლოს გადაწყვეტილებას უნდა დავემორჩილოთ. ზოგადად, ამ ადამიანის მიმართ პირადად მე ძალიან დიდი ხანია მაქვს კითხვები. კადრები, რომელიც ვიხილეთ, თუ რას აკეთებდა ეს ადამიანი “ნაციონალური მოძრაობის” რეჟიმის დროს, ჩემთვის გასაკვირი არ არის, რომ ის დააკავეს. ჩვენ სამართლებრივ სახელმწიფოში ვცხოვრობთ და ყველანი სასამართლოს გადაწყვეტილებას უნდა დავემორჩილოთ. ამ ადამიანმა საკმაოდ დიდხანს იარა თავისუფლებაზე და დღეს დადგა მომენტი, როცა პასუხი უნდა აგოს”, - განუცხადა კილაძემ.