პოლონეთში სამედიცინო მიზნით მარიხუანას გაყიდვის შესახებ კანონი ძალაში შევიდა. შესაბამისი ნორმატიული აქტი ქვეყნის პარლამენტმა მიმდინარე წლის ზაფხულში დაამტკიცა.
ახალი კანონის თანახმად, კანაფის პრეპარატები აფთიაქებში საზღვარგარეთიდან იმპორტირებული მასალისგან, ექიმის რეცეპტის საფუძველზე მომზადდება. 15 ათასმდე აფთიაქიდან კანაფის პრეპარატის დამზადება დაახლოებით 90%-ში იქნება შესაძლებელი. ერთი გრამი სამედიცინო მარიხუანას ფასი დაახლოებით 13-16 დოლარი იქნება, ერთთვიანი თერაპიის ღირებულება კი 555 დოლარს შეადგენს.
