უკრაინის შინაგან საქმეთა მინისტრის ვაჟს ხვალ ელექტროსამაჯურს გაუკეთებენ. ამის შესახებ გამოცემა კორესპონდენტი იტყობინება. გავრცელებული ინფორმაციით, ალექსანდრ ავაკოვისთვის ელექტროსამაჯური თავდებით გათავისუფლებისთანავე უნდა გაეკეთებინათ, თუმცა შინაგან საქმეთა სამინისტროში თავისუფალი სამაჯური ჯერჯერობით ვერ მოიძებნა. არსენ ავაკოვის ვაჟი ანტიკორუფციულმა ბიურომ ერთი კვირის წინ ე.წ. ზურგჩანთების საქმესთან დაკავშირებით დააკავა, რომლებიც მან შინაგან საქმეთა სამინისტროს მომატებულ ფასად მიჰყიდა.
