ესპანეთის მთავრობა ბელგიის სასამართლოს გადაწყვეტილებას პატივს სცემს. ამის შესახებ ქვეყნის ვიცე-პრემიერმა სორაია საენს დე სანტამარიამ განაცხადა. მანამდე კატალონიის ჟენერალიტეტის ყოფილი პრეზიდენტი და მისი მთავრობის 4 წევრი ბელგიის სასამართლომ პატიმრობიდან გაათავისუფლა. კარლეს პუჩდემონსა და 4-ხ ყოფილ მინისტრს ქვეყნიდან გაუსვლელობის ხელწერილი დააწერინეს. კატალონიის ყოფილ მაღალჩინოსნებზე ესპანეთის სასამართლომ დაპატიმრების ორდერი გასულ კვირას გასცა, რის შემდეგაც პუჩდემონი და მისი 4 თანაგუნდელი ბელგიის პოლიციას ჩაბარდნენ.
