კარლეს პუჩდემონს არაფრის ეშინია და საბრძოლო განწყობაზეა. ამის შესახებ კატალონიის ჟენერალიტეტის ყოფილი პრეზიდენტის ადვოკატმა პოლ ბაკარტმა განაცხადა. მისივე თქმით, პუჩდემონი ბელგიაში პოლიტიკური თავშესაფრის მოთხოვნას არ აპირებს. დღეს ცნობილი გახდა, რომ კატალონიის ყოფილი ლიდერის ინტერესებს სასამართლოში ბაკარტი დაიცავს. მანამდე ის ბასკური დაჯგუფების, ეტას ადვოკატი იყო. კარლეს პუჩდემონს მადრიდმა უფლებამოსილება გასულ კვირას შეუწყვიტა. ამჟამად კატალონიის ჟენერალიტეტის პრეზიდენტი ბრიუსელში იმყოფება.
