ჩინეთის ცენტრალური რეგიონიდან ევროპის მიმართულებით პირველი სატვირთო მატარებელი დაიძრა. მატარებელი, რომლის შემადგენლობაშიც 41 სატვირთო ვაგონია, ყაზახეთის, რუსეთის, ბელარუსის, პოლონეთისა და გერმანიის გავლით საფრანგეთში ჩავა. ახალი მარშრუტის ხანგრძლივობა 16-დან 18 დღემდე მერყეობს, რაც ოკეანით გადაზიდვის დროს 20 დღით ამცირებს. სარკინიგზო-სატვირთო მარშრუტის ახალ პროექტს საძირკველი 2012 წელს ჩაეყარა.
