"ქართული ოცნების" ერთ-ერთი ლიდერის, არჩილ თალაკვაძის განცხადებით, წელს მეხანძრე-მაშველებმა დაამტკიცეს, რომ ქვეყნისა და მოსახლეობის უსაფრთხოების სადარაჯოზე დგომა შეუძლიათ, ამიტომ დღის წესრიგში სამაშველო სამსახურის დაფინანსების გაზრდა დგება.
“შინაგან საქმეთა სამინისტრომ და მეხანძრე-მაშველებმა ძალიან დიდი სამუშაო გასწიეს. წელს მათ დაამტკიცეს, რომ იმ სიტუაციების დროს ნამდვილად შეუძლიათ ქვეყნისა და მოსახლეობის უსაფრთხოების სადარაჯოზე დადგნენ. როგორიც ამ ზაფხულს ხანძრების სახით გვქონდა. ბუნებრივია, დღის წესრიგში დგება ამ სამსახურის ტექნიკური აღჭურვის გაუმჯობესება, რასაც დამატებითი დაფინანსება სჭირდება. ასევე ვფიქრობთ, რომ მეხანძრე-მაშველებისთვის ანაზღაურების ზრდაც საჭიროა. იმ შესაძლებლობებიდან გამომდინარე, რომელიც საბიუჯეტო რესურსს ექნება. გაზრდილი დაფინანსებით რა ტექნიკის შეძენა მოხდება, ეს მთავრობისა და შინაგან საქმეთა სამინისტროს პრეროგატივაა", - განაცხადა თალაკვაძემ.