პარლამენტის ვიცე-სპიკერის, გია ვოლსკის განცხადებით, ადგილობრივი თვითმმართველობის არჩევნებზე, ქვეყნის მასშტაბით, მეორე ტურების ჩატარებას ელოდება, თუმცა არა თბილისში.
მისივე განმარტებით, აშკარა განსხვავება ჩანს, თუ ვის უფრო შეუძლია, ქალაქის პრობლემებს თავი გაართვას.
"თვითმმართველობის არჩევნები მეორე ტურების გარეშე არ ჩაივლის. ჩვენი ძალისხმევა იქითკენ იყო მიმართული, რომ არჩევნებში გამარჯვება ადვილი არ ყოფილიყო. თბილისში მეორე ტურს არ ველოდები, რადგან კანდიდატების პროგრამის შეფასება ადვილია. ქალაქში რა პრობლემებია, ყველამ ვიცით, მაგრამ იმის აშკარა განსხვავება ჩანს, თუ ვის უფრო შეუძლია, ამ პრობლემებს თავი გაართვას. ამ შემთხვევაში კახა კალაძის უპირატესობა თვალშისაცემია. აშკარაა, რომ კახი კალაძე უკონკურენტოა", - განაცხადა გია ვოლსკიმ.